गेल्या अनेक महिन्यांपासून अंबानींचा लाडका लेक अनंत अंबानी व राधिका मर्चंटच्या लग्नाची जोरदार तयारी सूरू आहे. त्यांचे 2 वेळी अत्यंत थाटामाटात प्रीवेडिंगही पार पडले आहे आणि आता अवघे काही दिवसच त्यांच्या लग्नाला बाकी राहिले असताना अंबानी कुटुंब लग्नाआधीच्या विविध रितीभाती करण्यात बिझी आहे. पण या दरम्यान काल म्हणजेच 2 जूलै 2024 रोजी पालघर येथील काही गरीब मुलामुलींची लग्न अंबानी कुटुंबानी लावून दिली. सोन्याचे मंगळसूत्र, अंगठी, नाकातील नथ यासोबतच 1 लाखाचे स्त्रीधन त्या जोडप्यांना देण्यात आले. हा क्षण खरंच डोळ्यांत पाणी आणणारा होता पण यावेळी अंबानी कुटुंबानी केलेल्या काही गोष्टींनी लक्ष वेधून घेतले. नीता अंबानींची ममता किती निष्पक्ष आहे हेच यातून दिसून आले. नेमके काय घडले?
अंबानींसोबतच लेक ईशाची एंट्री
नेमकं काय घडलं?
ईशा दिसताक्षणी लाल साडीत नव-यासारख्या सजलेल्या नीता अंबानी धावत लेकीकडे निघाल्या. त्या ईशाजवळ पोहचल्या आणि तिला गच्च मिठी मारली. पुढे चेह-यावर हसू आणत तिचे प्रवासात विस्कटलेले केस त्या व्यवस्थित करत होत्या. आजुबाजूला भरपूर पाहुणे आणि कॅमेरे अंबानी कुटुंबाला फोटोत कैद करण्यासाठी सज्ज होते तरीही नीता यांच्यातील ममता हे विसरून गेली. त्यांनी सामान्य आईप्रमाणेच आपल्या लेकीचं स्वागत केलं, काळजी घेतली.
बाजुलाच उभी होती सून श्लोका
आता थोडंसं मागे गेलं तर अजून एक किस्सा घडलेला दिसला. त्या भरलेल्या गच्च हॉलमधून नीता अंबानी धावत ईशाकडे निघाल्या होत्या पण तिथेच बाजुला त्यांची मोठी सून श्लोका मेहता उभी होती. त्या आधी तिच्याकडे जाऊन तिचा हात गच्च धरून हसल्या आणि तिला घेऊन ईशाकडे गेल्या. श्लोकाचा एक हात धरूनच त्यांनी ईशाला मिठी मारली.
हा क्षण बघायला गेला तर अगदीच लहान आणि शुल्लक वाटू शकतो पण त्यातून खूप मोठी शिकवण मिळते. श्रीमंत असो वा गरीब, आईमधील ममतेची तुलना जगातील कोणत्याच गोष्टीशी होऊ शकत नाही याचं उदाहरणच हे दिसलं. पण हे दुर्लक्षित करता येणार नाही की त्यांच्यातील ममतेमध्ये अजिबात भेदभाव नाहीये. लेकीच्या आधी सुनेला आदर दिला, प्रेम दिलं, माया लावली मग त्या लेकीकडे वळल्या.
नीता अंबानी आज श्रीमंती आणि प्रसिद्धीच्या इतक्या मोठ्या शिखरावर असूनही आजही इतके लहान लहान संस्कार विसरल्या नाहीयेत हे कौतुकास्पद आहे. लेकीचे लाड करताना सुनेला कुठेच वाईट वाटणार नाही ना, ती एकटी पडणार नाही ना.. याची पुरेपुर काळजी त्यांनी घेतली. माणसाला आपल्याशी घट्ट बांधून ठेवायला काय हवं असतं..तर फक्त प्रेम.. माया आणि आदरच..! जसं नीता यांनी लेकीत व सूनेत फरक केला नाही तसा आदर्श प्रत्येक स्त्रीने घेतला तर सासू-सुनेचं बदनाम नातं आपोआपच जगात नावाजलं जाई दुरावा असाच वाढतो
आपल्याला छोट्या छोट्या वाटणा-या गोष्टीच नात्यात मोठा दुरावा आणतात. एकवेळी मुलीला अंतर दिलं किंवा तिच्याकडे दुर्लक्ष केलं तरीही ती आईवर रागावणार किंवा रूसणार नाही पण सूनेसोबत असं केलं तर आयुष्यभर तिच्या मनाला रूखरूख लागून राहिलं किंवा ती नाराज होईल. त्यामुळेच नीता अंबानींसारखे सांभाळून निर्णय घेत जा.
बघा नीता अंबानींमधील ममता https://www.instagram.com/reel/C8625UNPvDx/?igsh=MTVidDlwanF4eG1vbw==
