नवचैतन्य टाईम्स सोलापूर प्रतिनिधी (किरण शिंदे)- काँग्रेसच्या आमदार प्रणिती शिंदें सोमवारी सकाळी सोलापुरात दाखल झाल्या आहेत.लोकसभेच्या उमेदवार प्रणिती शिंदे मतदानानंतर अनेक दिवस मुंबईत होत्या.सोलापुरात आल्या बरोबर प्रणिती शिंदेंनी माध्यमांसमोर माहिती देताना ईव्हीएम बाबत भीती व्यक्त केली आहे.लोकं मला फोन करून सांगत आहेत,आम्ही तुम्हालाच मतदान केले आहे,मात्र ईव्हीएम बाबत भीती व्यक्त करत आहेत अशी माहिती प्रणिती शिंदेंनी पत्रकारांसोबत बोलताना दिली.
भाजपला जनमत नाही
आम्ही लोकसभेचा सर्वे पहिला आहे,भाजपने देखील जनमताच सर्वे बघितला आहे.भाजपला जनमत नाही,म्हणून पंतप्रधानाच्या भाषणात जातीय ध्रुवीकरण झालेले दिसत आहे, मोदींच्या भाषणाची पातळी घसरले, लोक भाजपला वैतागलेत लोकांना काम हवंय अशी टीका करत प्रणिती शिंदेंनी थेट भाजपवर हल्लाबोल चढवलाय. भाजपकडे फक्त ईव्हीएम पर्याय उरलाय म्हणून लोकांना भीती वाटते लोक सतर्क झालेत असे शिंदे म्हणाल्या.
इंडिया आघाडीचा मुख्यमंत्री होणार
लोकसभेचा निकास कोणाच्या बाजूने लागेल या प्रश्नावर प्रणिती शिंदेंनी इंडिया आघाडी खासदारकीच्या जास्त जागा जिंकेल असा अंदाज मांडला आहे. इतकेच नव्हे तर आगामी विधानसभेत सुद्धा महाविकास आघाडीकडे सर्वाधिक आमदार असतील आणि महाविकास आघाडीचा राज्यात मुख्यमंत्री होईल असा विश्वास प्रणिती शिंदेंनी बोलून दाखवला.
सोलापूरात लोकसभेच्या लढाईत काँग्रेस विरुद्ध भाजप असे चित्र दिसले. मविआने प्रणिती शिंदे यांना तिकीट दिले तर भाजपकडून राम सातपुते यांना तिकीट देण्यात आलंय. प्रणिती शिंदेंविरोधात उभे असलेल्या राम सातपुतेंसाठी खुंद्द पीएम मोदींनी सोलापूरात प्रचारसभा घेतली होती. तर प्रणिती शिंदेंच्या प्रचारासाठी खुद्द उद्धव ठाकरे यांनी जाहीर सभा घेतली होती. कोरोनातील लसीकरण ते भाजपाची धोरण हा प्रणिती शिंदेंचा निवडणुकीचा भाजपविरोधी अजेंडा असेलेला पाहायला मिळाले.
सोलापूरात वादळी वाऱ्याने आलेल्या पावसामुळे अनेक ठिकाणी पडझड आणि पिक नुकसान झाल्याचे चित्र पाहायला मिळाले नुकसानग्रस्त गावांना प्रणिती शिंदे भेट घेणार आहेत तसेच आचारसंहिता शिथील करुन नुकसानग्रस्तांना मदत करा अशी जिल्हाधिकाऱ्यांकडे मागणी करणार असल्याचे सुद्धा प्रणिती शिंदेंनी नमूद केलंय.
