नवचैतन्य टाईम्स मुंबई प्रतिनिधी(नेहाल हसन)-असं म्हणतात की एक आधार देणारा जोडीदार तुमचे संपूर्ण आयुष्य बदलू शकतो. म्हणून फक्त सुंदरच नाही तर आधार, खांद्याला खांदा लावून उभा राहणारा जोडीदार शोधला पाहिजे. आजच्या लेखात आपण अशाच एका यशस्वी उद्योजकाची यशोगाथा जाणून घेणार आहोत ज्याने पत्नीच्या प्रोत्साहनाची जोरावर काहीतरी मोठं करण्याचा फक्त विचारच केला नाही तर स्वप्न साकारही करून टीकाकारांची बोलती बंद केली. पत्नीच्या प्रोत्साहनाच्या जोरावर यशाची पायरी चढणारे अब्जाधीश सजीव बिकचंदानी यांचा यशस्वी प्रवास खूपच मनोरंजक आहे.
IIM मधून घेतले शिक्षण
बिकचंदानी यांनी IIM अहमदाबादमधून शिक्षण घेतल्यावर १९८९ मध्ये ग्लॅक्सोस्मिथक्लाइनमध्ये पहिली नोकरी सुरू केली, पण एक वर्षानंतर स्वतःचा व्यवसाय सुरू करण्याचा निर्धार केला. मनातील स्वप्न पूर्ण करण्यासाठी सजीव यांना पत्नी सुरभी यांनी मोठा आधार दिला. नोकरी सोडून व्यवसाय करणं वाटतं तितकं सोपं नसल्यामुळे जोमाने नोकरी करत राहिले आणि त्यासोबतच व्यवसायाचं नियोजनही केले.
कोण आहेत संजीव बिकचंदानी
आपल्या आयुष्याच्या जोडीदाराच्या मदतीने व्यवसायाचा पाया घालणाऱ्या संजीव बिकचंदानी नोकरी शोधणे आणि आयुष्याच्या खऱ्या जोदीराची ओळख करून देण्याचे काम करतात. होय, ऐकून विचित्र वाटेल पण संजीव बिकचंदानी Naukri.com आणि Jeevansathi.com वेबसाइट्सची मूळ कंपनी इन्फोएजचे मालक आहेत. याशिवाय बिकचंदानी यांच्या कंपनीने इतर अनेक व्यवसायातही गुंतवणूक केली आहे.
पत्नीच्या पगारातून घर खर्च भागवला
संजीव यांना स्वप्न पूर्ण करण्याची पत्नीने खूप साथ दिली. नोकरी सोडून १९९० मध्ये संजीव यांनी स्वतःचा व्यवसाय सुरू करण्याचा निर्णय घेतला. संजीव यांनी नोकरी सोडून व्यवसाय सुरू करण्याचा निर्णय घेतला तेव्हा त्यांच्या पत्नी काम करत होत्या आणि त्यांना मिळालेल्या पगारातून कठीण काळाला सामोरे जाण्याची हिंमत मिळाली.
मित्र-परिवाराने मारले टोमणे
व्यवसाय सुरू केल्यापासून अनेक वर्ष संजीव यांना फारसे उतपन्न मिळायचे नाही. अशा परिस्थितीत, पत्नी घरखर्च चालवते म्हणून नातेवाईक आणि मित्रांनी संजीव यांना टोमणेही मारले, पण त्यांनी दुर्लक्ष करून ध्येय सध्या गाठण्याचा निर्धार केला. पत्नीची मोलाची साथ मेहनत करण्याची तयारी आणि जिद्दीच्या जोरावर संजीव यांनी यशाचे शिखर गाठले.
इन्फोएजचा पाया घातला
१९०० मध्ये संजीव यांनी इन्फोएज सुरू केले. सुरुवातीच्या काळात अनेक अडचणींचा सामना करावा लागला पण पत्नी सुरभीच्या सहा वर्षांच्या पगारातून त्यांना अडचणींना सामोरे जाण्यास मदत मिळाली. बिकचंदानी यांच्या इन्फोएजने १९९७ मध्ये नोकरी डॉट कॉम, जॉब पोर्टल सुरू केले आणि व्यवसायाला कलाटणी मिळाली. या ऑनलाईन जॉब पोर्टलला प्रचंड यश मिळाले. याशिवाय त्यांनी jeevasathi.com, 99acres.com, shiksha.com ही इतर प्रमुख वेब पोर्टल्सही सुरू केली.
