नवचैतन्य टाईम्स शिर्डी (प्रतिनिधी)- एकीकडे लोकसभा निवडणुकीची रणधुमाळी सुरू असतानाच दुसरीकडे नाशिक शिक्षक मतदारसंघाची निवडणूक जाहीर झाली आहे. शिर्डीतील गणेश कारखाना निवडणुकीत विखे पाटलांना आव्हान देणारा युवानेता अशी राज्यात ओळख निर्माण करणारे अर्थात कोपरगावच्या माजी आमदार आणि भाजप नेत्या स्नेहलता कोल्हे यांचे पुत्र विवेक कोल्हे विधानपरिषद निवडणुकीच्या रिंगणात उतरणार आहेत. त्यासाठी ते तयारीला देखील लागले आहे. मागील काही दिवसात विवेक कोल्हेंनी शिक्षक संघटनांच्या गाठीभेटी सुरू केल्या आहेत. येणाऱ्या ३१ मे पासून नाशिक शिक्षक मतदारसंघासाठी उमेदवारी अर्ज दाखल करण्यास सुरुवात होणार आहे. त्यामुळे आता विवेक कोल्हे कोणत्या पक्षाकडून निवडणुकीच्या रिंगणात उतरणार, की खरंच अपक्ष उमेदवारी करणार? याबाबत मतदारांसह नागरिकांमध्ये उत्सुकता आहे.
एकीकडे लोकसभा निवडणुकीच्या पाचव्या टप्प्यासाठी उमेदवारांसह सर्वच राजकीय नेत्यांनी कंबर कसली असून दुसरीकडे मात्र विवेक कोल्हे विधानपरिषदेसाठी तयारीला लागले आहेत. विवेक कोल्हे यांनी भाजपात राहून वेळोवेळी महसूल मंत्री राधाकृष्ण विखे पाटलांच्या विरोधात भूमिका घेतली.
गणेश कारखाना ताब्यात घेतला, त्यानंतर विखेंच्या मतदारसंघातील तीन महत्त्वाच्या ग्रामपंचायतींवर विजय मिळवला. त्यामुळे कोल्हे आगामी विधानसभा निवडणूक शिर्डी मतदारसंघातून लढणार असल्याची चर्चा होती. अशातच विवेक कोल्हेंनी विधानपरिषदेच्या रिंगणात उडी घेतली आहे. लोकसभा निवडणुकीत शिर्डी मतदारसंघातील महायुतीच्या उमेदवाराच्या अनेक प्रचार सभांमध्ये कोल्हे दिसले नव्हते. त्यानंतर महायुतीतील दिग्गज नेत्यांनी कोल्हे कुटुंबाची भेट घेऊन मनधरणी केली. त्यानंतर कोल्हे परिवार महायुतीचे उमेदवाराच्या प्रचारात सक्रिय झाल्याचे पाहायला मिळाले. लोकसभा निवडणुकीत कोल्हेंचा रुसवा विखेंमुळे होता की विधान परिषदेच्या उमेदवारीसाठी? असाच प्रश्न अनेकांच्या मनात उपस्थित होत आहे. दरम्यान या मतदारसंघात विवेक कोल्हेंसह विखे पाटलांचे बंधू राजेंद्र विखे, विद्यमान आमदार किशोर दराडे यांच्या नावाची देखील चर्चा आहे.
एकीकडे लोकसभा निवडणुकीच्या पाचव्या टप्प्यासाठी उमेदवारांसह सर्वच राजकीय नेत्यांनी कंबर कसली असून दुसरीकडे मात्र विवेक कोल्हे विधानपरिषदेसाठी तयारीला लागले आहेत. विवेक कोल्हे यांनी भाजपात राहून वेळोवेळी महसूल मंत्री राधाकृष्ण विखे पाटलांच्या विरोधात भूमिका घेतली.
गणेश कारखाना ताब्यात घेतला, त्यानंतर विखेंच्या मतदारसंघातील तीन महत्त्वाच्या ग्रामपंचायतींवर विजय मिळवला. त्यामुळे कोल्हे आगामी विधानसभा निवडणूक शिर्डी मतदारसंघातून लढणार असल्याची चर्चा होती. अशातच विवेक कोल्हेंनी विधानपरिषदेच्या रिंगणात उडी घेतली आहे. लोकसभा निवडणुकीत शिर्डी मतदारसंघातील महायुतीच्या उमेदवाराच्या अनेक प्रचार सभांमध्ये कोल्हे दिसले नव्हते. त्यानंतर महायुतीतील दिग्गज नेत्यांनी कोल्हे कुटुंबाची भेट घेऊन मनधरणी केली. त्यानंतर कोल्हे परिवार महायुतीचे उमेदवाराच्या प्रचारात सक्रिय झाल्याचे पाहायला मिळाले. लोकसभा निवडणुकीत कोल्हेंचा रुसवा विखेंमुळे होता की विधान परिषदेच्या उमेदवारीसाठी? असाच प्रश्न अनेकांच्या मनात उपस्थित होत आहे. दरम्यान या मतदारसंघात विवेक कोल्हेंसह विखे पाटलांचे बंधू राजेंद्र विखे, विद्यमान आमदार किशोर दराडे यांच्या नावाची देखील चर्चा आहे.
One Nation One Election : पुढील कार्यकाळात एक देश एक निवडणुकीची अंमलबजावणी, अमित शहांची घोषणा
आजोबांचे योगदान नातवासाठी उपयुक्त ठरणार
माजी मंत्री स्व. शंकरराव कोल्हे यांचे शैक्षणिक क्षेत्रामध्ये मोठे योगदान आहे. शंकरराव कोल्हे यांनी रयत शिक्षण संस्थेत अनेक जबाबदाऱ्या यशस्वी पार पाडल्या. त्याचबरोबर ग्रामीण भागात शैक्षणिक संस्था उभारून गोरगरिबांच्या मुलांना स्वतःच्या पायावर उभं केलं. माजी मंत्री शंकरराव कोल्हे यांनी शैक्षणिक क्षेत्रात मोठे योगदान दिलेले आहे. त्यांचाच वारसा पुढे नेत विवेक कोल्हे काम करत आहेत. शिक्षकांचे वर्षानुवर्ष प्रलंबित असणारे प्रश्न सुटत नाहीत, या गोष्टीची सल जाणवल्याने शिक्षकांना न्याय मिळावा व त्यांच्या शब्दांना मान देणारा हक्काचा प्रतिनिधी विधानपरिषदेत असावा या भूमिकेतून उच्चशिक्षित असणाऱ्या विवेक कोल्हेंनी या निवडणुकीत भाग घ्यावा अशी भावना त्यांच्या समर्थकांची होती. त्यामुळे विवेक कोल्हे विधान परिषदेच्या मैदानात उतरले असल्याचे त्यांच्या समर्थकांनी सांगितले आहे, मात्र विवेक कोल्हे अजूनही माध्यमांसमोर आलेले नाहीत.
स्वपक्षविरोधात भूमिका घेणारा युवानेता
शेतकरी आणि कष्टकऱ्यांच्या प्रश्नासाठी माजी मंत्री स्व. शंकरराव कोल्हे यांनी अनेक वेळा सत्ताधारी पक्षात असताना सरकार विरोधात आंदोलने केली. तसेच मागील काही काळात विवेक कोल्हे देखील आजोबांच्या पावलावर पाऊल ठेवत असल्याचे दिसून आले असून जनतेच्या प्रश्नासाठी भाजपात असताना देखील भाजपाच्या नेत्याविरोधात अर्थात पालकमंत्री विखे पाटलांच्या विरोधात शिर्डीत मोर्चा काढला तसेच जनहितासाठी अनेकवेळा पक्षाच्या विरोधात भूमिका घेताना दिसून आले.
विखे पाटलांचा मार्ग मोकळा
गणेश कारखाना निवडणुकीत विवेक कोल्हे यांनी काँग्रेस नेते बाळासाहेब थोरात यांना सोबत घेऊन विखे पाटलांना टक्कर देत कारखाना ताब्यात घेतला. त्यानंतर कोल्हेंनी तीन महत्त्वाच्या ग्रामपंचायती विखे पाटलांच्या ताब्यातून स्वतःकडे घेतल्या. अनेक वेळा शिर्डी मतदारसंघात विखे पाटलांच्या विरोधात भूमिका घेत आपली ताकद वाढवण्यास सुरुवात केली होती. विवेक कोल्हे विधानपरिषद निवडणुकीत उतरले आणि निवडून आले तर शिर्डी विधानसभेत विखे पाटलांचा मार्ग मोकळा होणार असल्याची चर्चा आहे.
कोपरगाव विधानसभेचे गणित कसे?
कोपरगाव विधानसभा मतदारसंघात गेल्या अनेक वर्षांपासून काळे आणि कोल्हे दोन्ही राजकीय विरोधकांमध्ये लढत पाहायला मिळते. मात्र विवेक कोल्हे यांनी विधानपरिषदेत एन्ट्री जर केली तर कोपरगावच गणित कसं असणार? असा प्रश्न अनेकांना पडला असून महायुतीमध्ये मैत्रीपूर्ण लढत होणार की विवेक कोल्हेंच्या मातोश्री भाजप नेत्या माजी आमदार स्नेहलता कोल्हे अजितदादा गटाचे आमदार आशुतोष काळे यांच्या विरोधात लढणार हे पाहणं महत्त्वाचं असेल. दरम्यान विवेक कोल्हे विधान परिषदेत विजयी झाले तर कोपरगावला दोन आमदार मिळणार आहे.
