नवचैतन्य टाईम्स मुंबई प्रतिनिधी(नेहाल हसन)- मे महिना म्हटलं की पिवळे धम्मक आंबे डोळ्यासमोर येतात. आणि हे आंबे जर कोकणातले असतील तर त्याची बातच न्यारी. कोकणातल्या आंब्यांना देशाविदेशात मोठी मागणी आहे. या आंब्याची चव चाखण्यासाठी खवय्ये वर्षभर चातकासाठी वाट पाहत असतात. कोकणातल्या हापूस आंब्यांना सोन्यासारखा दर बाजारात आहे. त्यामुळे या काळात कोकणी माणसाची चांगली कमाई होत असते.
सिने इंडस्ट्रीतले अनेक कलाकार कोकणी आहेत. प्रत्येक कोकणी माणसाला जसा कोकणी असल्याचा गर्व असतो तसाच गर्व या कलाकार मंडळींना देखील आहे. बरेचदा ते आपल्या सोशल मीडिया पोस्ट मधून त्यांचा कोकणावरील प्रेम व्यक्त करत असतात. नुकताच अभिनेता सौरभ चौघुलेने त्याच्या एका पोस्टमध्ये कोकणी माणसांची तुलना थेट भारतीय उद्योगपती अंबानींशी केली.
काही दिवसांपूर्वीच सौरभ त्याच्या कोकणातल्या घरी गेला होता. मी महिना असल्याने त्याच्या परसातल्या झाडावर भरपूर आंबे धरलेली. गावाकडची ही श्रीमंती दाखवणारा व्हिडिओ शेअर करा सौरभ म्हणाला की, हे जे आंबे दिसतायत ना,हे आंबे काय आहेत माहितीये? या एका झाडाच्या आंब्याचं आम्ही लोणचं करतो. थाट आमचा वेगळाच आहे. चोखायचे आंबे दुसरीकडे, ते आंबे फक्त चोखून खायचे. कलम ते फक्त पाहुणे आल्यावर किंवा मुंबईला पाठवायला. आंब्याच्या पोळ्या बनवायला ते एक झाडं वेगळं.... नवाबी थाट!
सौरभच्या या पोस्टवर अनेक कोकणी आणि आंबाप्रेमींनी भरभरुन कमेंट केल्या आहेत. एकाने लिहिले नवाबी नाही हा मालवणी थाट, तर दुसऱ्याने लिहिले आपलो कोकणातलो माजच तसो असा, तर आणखी एकाने खरी श्रीमंती असे लिहिले.
सौरभच्या कामाबद्दल बोलायचे झाल्यास त्याला जीव माझा गुंतला या कलर्स वाहिनीवरील मालिकेतून लोकप्रियचा मिळाली. विशेष म्हणजे याच मालिकेतील त्याची सहअभिनेत्री अंतरा म्हणजे योगिता चव्हाणशी लग्न केले. सध्या सौरभ सुंदरी या मालिकेत दिसतोय.
