नवचैतन्य टाईम्स सोलापूर प्रतिनिधी(किरण शिंदे)-सोलापूर लोकसभा मतदारसंघाच्या काँग्रेसच्या उमेदवार आमदार प्रणिती शिंदे यांनी जोरदार शक्तिप्रर्शन करत महाविकास आघाडीकडून खासदरकीचा उमेदवारी अर्ज भरला. उमेदवारी अर्जासोबत जोडलेल्या प्रतिज्ञापत्रानुसार २०१९ च्या तुलनेत त्यांच्या संपत्तीत पाच वर्षांत १ कोटी ८१ लाख ४२ हजार १९२ रुपयांची वाढ झाली आहे. प्रणिती शिंदेकडे सद्यस्थितीत एकूण ६ कोटी ६० लाख ७० हजार ४०२ रुपयांची मालमत्ता आहे. उमेदवारी अर्जासोबत जोडलेल्या प्रतिज्ञापत्रात प्रणिती शिंदे यांनी आपल्या संपत्तीचे विवरण दिले आहे.
तीन वेळा आमदार; पाच वर्षांत पावणे दोन कोटींची वाढप्रणिती शिंदे या सोलापूर शहर मध्य विधानसभा मतदारसंघातून सलग तीन वेळा आमदार म्हणून निवडून आल्या आहेत. मागील २०१९ च्या विधानसभा निवडणुकीवेळी त्यांनी जोडलेल्या प्रतिज्ञापत्रात ४ कोटी ७० लाख २७ हजार २१० रुपयांची मालमत्ता दर्शविली होती. २०२४ च्या लोकसभा निवडणुकीसाठी भरलेल्या अर्जासोबतच्या प्रतिज्ञापत्रानुसार त्यांच्याकडे ६ कोटी ६० लाख ७० हजार ४०२ रुपयांची मालमत्ता तथा संपत्ती असल्याचे दिसून येते.
प्रणिती यांच्याकडे दुचाकी नाही, चार चाकी नाही, बँकेचे कर्ज नाही
महाविकास आघाडीच्या उमेदवार प्रणिती शिंदे यांच्या नावावर एकही दुचाकी किंवा चारचाकी नाही, असे प्रतिज्ञापत्रात म्हटले आहे. त्यांच्या बॅंकांमधील ठेवी तथा रक्कम २०१९ च्या तुलनेत सुमारे ३० लाख रुपयांनी कमी झाली आहे. तसेच, आमदार प्रणिती शिंदे यांच्या नावावर एकाही बॅंकेचे कर्ज नसल्याचे या प्रतिज्ञापत्रात उल्लेख केला आहे.
तीनशे ग्रॅम सोने कायम
प्रणिती शिंदे यांच्या २०१९ च्या निवडणुकीत दिलेल्या माहितीनुसार जागा, जमीन आणि दागिन्यांमध्ये २०२४ पर्यंत कोणतीही वाढ नाही. पाच वर्षांत दागिन्यात वाढ झाली नाही. ३०० ग्रॅम सोने कायम आहे. स्थावर मालमत्तेत एक कोटी ५२ लाख ५४४ रुपयांची वाढ झाली आहे. जंगम मालमत्तेत २९ लाख ३५ हजार ६४८ रुपयांची वाढ झाली आहे. बॅंकांमधील ठेवीत ३० लाख रुपयांची घट झाली आहे. २०१९ च्या तुलनेत २०२४ मध्ये १ कोटी ८१ लाख ४३ हजार १९२ रुपयांनी संपत्ती वाढली आहे.
