नवचैतन्य टाईम्स पुणे प्रतिनिधी(रावसाहेब काळे)-राष्ट्रवादी काँग्रेस शरदचंद्र पवार पक्षाला निवडणूक आयोगाने तुतारी चिन्ह बहाल केलं होतं. त्यानुसार लोकसभा निवडणुकीला शरद पवारांचा पक्ष तुतारी फुंकण्याच्या तयारीत आहे. बारामतीत विद्यमान खासदार सुप्रिया सुळे पुन्हा निवडणुकीच्या रिंगणात उतरत असून त्या तुतारी चिन्हावर लढत आहेत. परंतु सोहेल शेख नावाच्या व्यक्तीनेही बारामती लोकसभा मतदारसंघातून उमेदवारी अर्ज भरला असून त्यालाही 'तुतारी' नावाचं चिन्हच बहाल करण्यात आल्याने एकच खळबळ उडाली आहे. नावात साम्य असलं, तरी चिन्हाचं स्वरुप वेगळं आहे. परंतु इंग्रजीत Trumpet नाव असल्यामुळे सुप्रिया सुळे यांच्या कायदेशीर सल्लागार टीमच्या वतीने हरकत घेण्यात आली आहे.
बारामती लोकसभा मतदारसंघात नणंद सुप्रिया सुळे विरुद्ध भावजय सुनेत्रा अजित पवार अशी लढत रंगणार आहे. म्हणून अवघ्या देशाचं लक्ष या मतदारसंघावर लागून राहिलं आहे. परंतु आता निवडणूक चिन्हाच्या घोळामुळे सुप्रिया सुळे यांच्या अडचणीत वाढ होण्याची भीती आहे. बारामती लोकसभा मतदारसंघासाठी अर्ज माघार घेण्याची काल शेवटची तारीख होती. ४६ जणांनी उमेदवारी अर्ज भरला होता. त्यापैकी आठ जणांनी अर्ज माघारी घेतला, तर दोघा जणांचा अर्ज बाद करण्यात आलं आहे. साधारण ३६ उमेदवार निवडणुकीच्या रिंगणात आहेत. त्यापैकी सोहेल शेख हा मूळचा बीडचा राहणारे आहेत. परंतु त्यांनी बारामती लोकसभा मतदारसंघातून अर्ज भरला आहे.
सुप्रिया सुळे यांच्या हरकती पत्रात काय म्हटलं आहे?
निवडणूक चिन्ह वाटपाबाबत हरकत
मॅडम / सर
मी सुप्रिया सदानंद सुळे यांचा निवडणूक प्रतिनिधी लक्ष्मीकांत खाबिया आपणाकडे खालील प्रमाणे हरकत घेतो की आज ३५ बारामती लोकसभा मतदारसंघाचे उमेदवारांचे चिन्ह वाटपाबाबत आपण बैठक बोलवली होती.
सदर बैठकीमधे आपण आम्हास आमच्या पक्षाकरिता राखीव असलेले चिन्ह (तुतारी फुंकणार माणूस) याचे वाटप आम्हास केले.
परंतु अपक्ष उमेदवार सोयल शहा युनूस शहा शेख यांना अपक्ष उमेदवार करिता चिन्ह तुतारी (trumpet) असे वाटप केले आहे. सदर वाटपास आमची हरकत आहे.
दोन्ही चिन्हाचे नावामधे साधर्म्य असल्याने चिन्ह तुतारी फुंकणार माणूस व तुतारी हे नाव सारखे आहे....
राज्यपक्ष म्हणून आम्हास वाटप केलेले चिन्ह (तुतारी फुंकणार माणूस) ह्या नावात तुतारी या नावात साम्य असल्याने मतदार यांचा गोंधळ होऊ शकतो. त्यामुळे मराठी नावातील तुतारी हा शब्द बदलून त्या ठिकाणी
दुसरा शब्द निवडणूक आयोगाकडून देण्यात यावा ही विनंती..
