नवचैतन्य टाईम्स मुंबई प्रतिनिधी(नेहाल हसन)- सनी लिओनी सध्या पती डॅनियल आणि आपल्या ती मुलांसोबत आनंदी आयुष्य जगत आहे. सनी लिओनीने ९ एप्रिल २०११ रोजी डॅनियलशी लग्न केले. पण डॅनियलच्या आधी तिची दुसऱ्याच एका व्यक्तीशी एंगेजमेंट झाली होती पण ती तुटली. सनी सध्या एमटीव्ही स्प्लिट्सविला एक्स 5: एक्सस्क्विज मी प्लीज हा टीव्ही रिॲलिटी शो होस्ट करत आहे. यात तिच्यासोबत अभिनेता तनुज विरवानीही आहे. या शोच्या नुकत्याच झालेल्या एपिसोडमध्ये, सनी लिओनीने तिच्या वैयक्तिक आयुष्यातील घटना सांगितली, तिच्या होणाऱ्या नवऱ्यानेच तिची फसवणूक केलेली.
सनी लिओनीने सांगितले की ती आणि तिचा होणारा नवरा दोन महिन्यांत लग्न करणार होते. ती त्यांच्या नात्यासाठी खूप खुश होती. पण अचानक त्या व्यक्तीने सनीला सांगितले की, तो आता तिच्यावर प्रेम करत नाही.
सनी लिओनीची फसवणूक
स्प्लिट्सविला'च्या एपिसोडमध्ये सनी लिओन एका स्पर्धकाचे सांत्वन करत होती. त्यावेळी तिने तिचा हा वैयक्तिक अनुभव शेअर केला. सनी लिओनीने सांगितले की, पती डॅनियलला भेटण्यापूर्वी तिचे दुसऱ्याशीच लग्न ठरले होते. पण सतत तिला काहीतरी चुकतंय असं वाटायचं. सनी लिओनीने सांगितले की, तिचा होणारा नवरा तिची फसवणूक करत होता. तो तिला धोका देत होता.
आता माझे तुझ्यावर प्रेम नाही
सनी लिओनीच्या म्हणण्यानुसार, जेव्हा तिने तिच्या होणाऱ्या नवऱ्याला विचारले की त्याचे आता तिच्यावर प्रेम आहे का त्यावर तो म्हणाला, 'नाही, मी आता तुझ्यावर प्रेम करत नाही.'
लग्नाला दोन महिने, बाकी सर्व तयारी झालेली
सनी लिओनीने पुढे सांगितले की, ही घटना तिच्या लग्नाच्या दोन महिने आधी घडली होती. लग्नाची तारीख ठरली आणि सर्व तयारी झाली. अगदी लग्नाचा पोशाख आणि इतर गोष्टीही केल्या. हवाई येथे सनी लिओनीचे लग्न होणार होते. तो तसे म्हणताच आपल्याला कसे वाटलेले हे आपण शब्दातही व्यक्त करु शकत नसल्याचं सनी म्हणाली. तो काळ तिच्यासाठी सर्वात वेदनादायी होता. पण त्यानंतर सनी लिओनी डॅनियलला भेटली, जो तिच्या आईच्या निधनानंतरही अभिनेत्रीच्या पाठीशी उभा राहिला.