राइड शेअरिंग प्लॅटफॉर्म आहे, जे जगभरातील लाखो लोक वापरतात. जेव्हा लोकांना कुठेतरी जावे लागते तेव्हा त्याची गरज भासते. या ॲप्लिकेशनच्या मदतीने तुम्ही स्वतःसाठी राईड बुक करू शकता. ॲपद्वारे राइड बुक केल्यानंतर, कंपनीने नियुक्त केलेला ड्रायव्हर युजरला त्याच्या इच्छित स्थानावर घेऊन जातो. यूजर्सच्या सुरक्षेचा विचार करून कंपनी त्यांना अनेक सुविधा पुरवते.उबर टेक्नाँलाँजीने ने म्हटले आहे की ते जगभरातील प्रवाशांसाठी सुरक्षा फीचर्स वाढवत आहे. विशेषत: रात्रीच्या वेळी महिलांच्या सुरक्षेची खात्री करण्यासाठी हे नवीन फीचर जोडत आहे.
चालकांकडून छळ होत असल्याच्या तक्रारी
नवीन सुविधांनुसार, प्रवासी आता त्यांच्या प्रवासादरम्यान सुरक्षिततेचे चार प्रकार निवडू शकतील. यामध्ये एनक्रिप्टेड, ऑडिओ रेकॉर्डिंग, पिन व्हेरिफिकेशन आणि लोकेशन शेअरिंग यांचा समावेश आहे. गेल्या काही वर्षांत उबरवर अनेक आरोप झाले आहेत. अनेक युजर्सनी उबर चालकांकडून छळ होत असल्याच्या तक्रारी केल्या आहेत. या तक्रारींमध्ये चालकांची पार्श्वभूमी तपासणी न करण्यापासून ते त्यांच्यावरील सुरक्षा प्रशिक्षणाचा अभाव असे मुद्दे उपस्थित करण्यात आले आहेत
पीडित महिलांनी उबर विरोधात केले खटले दाखल
अनेक पीडित महिलांनी उबरविरोधात खटलेही दाखल केले आहेत. उबरने त्यांच्या सुरक्षिततेची खात्री करण्यासाठी पुरेशी पावले उचलली नाहीत असा त्यांचा आरोप आहे. उबर ने म्हटले होते की, २०१९ आणि २०२० मध्ये त्यांना अमेरिकेत गंभीर लैंगिक छळाच्या सुमारे ३८०० तक्रारी प्राप्त झाल्या होत्या. मात्र, गेल्या दोन वर्षांच्या तुलनेत ही संख्या कमी आहे.
या सुरक्षा सुविधा कुठे उपलब्ध आहेत?
कंपनीने केवळ प्रवाशांच्या सुरक्षेकडे लक्ष देण्यास सुरुवात केली आहे असे नाही तर अन्न वितरण करणाऱ्या मोटरसायकल चालकांच्या सुरक्षेकडेही लक्ष देणे सुरू केले आहे. गेल्या वर्षी लंडनमधील उबर ईट्सनेही रस्ते अपघात रोखण्यासाठी एका चार्टरवर स्वाक्षरी केली होती. आत्तापर्यंत हे नवीन सुरक्षा फीचर अमेरिका, कॅनडा आणि लॅटिन अमेरिकेत उपलब्ध आहेत. उबरचे म्हणणे आहे की येत्या आठवड्यात ते अधिक देशांमध्ये लागू केले जाईल.
