नवचैतन्य टाईम्स सांगली (प्रतिनिधी)- राज्यातील जागेचे तिढा सुटला असला तरी अखेरच्या क्षणापर्यंत सांगलीतील जागेचा तिढा कायम आहे. ठाकरेंच्या शिवसेनेचे चंद्रहार पाटील यांनी आज मोठं शक्तीप्रदर्शन करत उमेदवारी अर्ज दाखल केला. त्यांच्या प्रचारासाठी संजय राऊत यांनी देखील शक्तीप्रदर्शन करून हेलीकॉप्टरमधून एंन्ट्री घेतली. चंद्रहार पाटील हेच महाविकास आघाडीचे उमेदवार असतील असं वारंवार उद्धव ठाकरे आणि संजय राउत सांगत होते. परंतु अखेरच्या क्षणापर्यंत सांगलीची जागा बदलण्यासाठी काँग्रेसच्या नेत्यांचे प्रयत्न सुरू होते.
महाविकास आघाडीमधून उमेदवारी न मिळाल्याने नाराज असलेल्या विशाल पाटील यांनी बंडखोरी करत अपक्ष दोन आणि काँग्रेसकडून दोन असे एकूण चार अपक्ष अर्ज दाखल केले आहेत. त्यांना आज दुपारी ३ वाजेपर्यंत काँग्रेसचा एबी फॉर्म देण्याची परवानगी होती. परंतु काँग्रेसचा एबी फॉर्म विशाल पाटील काही देण्यात आलेला नाही. त्यामुळे बंडखोर विशाल पाटील हे अपक्ष लढणार हे मात्र निश्चित झालं आहे. त्यामुळे विशाल पाटलांच्या कार्यकर्त्यांना आता चिन्हाची उत्सुकता लागून राहिली आहे.
चंद्रहार पाटील यांनी आता अधिकृतपणे महाविकास आघाडीकडून उमेदवारी अर्ज दाखल केला आहे. असं असलं तरी भाजपचे संजयकाका पाटील, महाविकास आघाडीचे चंद्रहार पाटील, अपक्ष विशाल पाटील यांच्यासह स्वाभिमानी शेतकरी संघटनेकडून महेश खराडे, ओबीसी बहुजन पार्टीकडून प्रकाश शेंडगे यांच्यासह अन्य ३३ जणांनी आपली उमेदवारी दाखल केली आहे. चंद्रहार पाटील यांनी महाविकास आघाडीच्या नेत्यांसह सांगलीत जोरदार शक्तीप्रदर्शन केलं. यावेळी रॅलीला संबोधताना संजय राऊत यांनी पंतप्रधान नरेंद्र मोदींवर सडकून टीका केली.
सांगलीतील उमेदवारी वरून सर्वांचा माझ्यावर रोख पण माझा काही संबध नाही; जयंत पाटलांचा खुलासा
कोराना काळात गो..कोरोना.. म्हटलं आता गो.. मोदी म्हणतं थाळ्या वाजवा.. ईडीच्या बापाला देखील मी घाबरत नाही. सांगलीत अप्रत्यक्षपणे भाजपला मदत करण्याचा काही जणांचा प्रयत्न आहे. भाजपच्या खासदाराला तडीपार करा, असं वक्तव्य करत संजय राऊतांनी भाजपवर जोरदार निशाणा साधला. संजय राऊत यांच्या पाठोपाठ जयंत पाटील यांनी देखील भाजपवर टीका करण्यात आली.