आयपीएल २०२४ चा २० वा सामना मुंबई इंडियन्स आणि दिल्ली कॅपिटल्स या दोन संघात होणार आहे. हा सामना आज दुपारी वानखेडे स्टेडियमवर खेळला जाणार आहे. यंदाच्या हंगामात मुंबई इंडियन्स हा संघ गुणतालिकेत एकही गुण मिळवू शकला नाही. मुंबई इंडियन्स सलग तीन सामने हरली आहे. तर दुसरीकडे दिल्लीला चार पैकी एकाच सामन्यात विजय मिळवता आला आहे. दोन्ही संघाचे फलंदाज आणि गोलंदाज चांगले प्रदर्शन करण्यास असमर्थ ठरले आहेत. मुंबई इंडियन्सचे कर्णधारपद हार्दिक पंड्या बजावत आहे तर दिल्ली कॅपिटल्सचे रिषभ पंत.
कशी असणार आहे वानखेडेची खेळपट्टी?
वानखेडे स्टेडियमची खेळपट्टी फलंदाजीस चांगली आहे. ही भारतातील सर्वात चांगल्या खेळपट्टीपैकी एक आहे. हा सामना दुपारी होणार आहे. यावेळेस दव घटक संपुष्टात येतात. मुंबईची खेळपट्टी सुरुवातीला जलद गोलंदाजांसाठी फायदेशीर ठरते. राजस्थान रॉयल्सच्या गोलदाजांना मुंबई विरुद्ध खेळताना याचा भरपूर फायदा झाला. या सामन्यातही दोन्ही संघाच्या फलंदाजांना सुरुवातीचे काही षटक सावधपणे खेळण्याची आवश्यकता आहे.
मुंबई इंडियन्स करणार का पुनरागमन?
यंदाच्या हंगामात मुंबई इंडियन्स असा एकामेव संघ आहे जो एकही विजय मिळवू शकला नाही. परंतू येत्या सामन्यात सूर्यकुमार यादव खेळण्याची शक्यता आहे. त्यामुळे मुंबई इंडियन्सची फलंदाजी भक्कम होणार आहे. याच मैदानावर राजस्थान रॉयल्सच्या विरोधात मुंबईचे वरच्या फळीचे तीन फलंदाज शुन्यावर विकेट पडून माघारी परतले. मुंबई इंडियन्सचा कर्णधार हार्दिक पंड्याच्या कामगिरीवर अनेक प्रश्न उपस्थित होत आहेत त्यामुळे पंड्या आता कोणती रणनिती वापरणार याकडे सर्वांचे लक्ष्य असणार.
संघ असा असणार आहे?
मुंबई इंडियन्स: हार्दिक पंड्या (कर्णधार), रोहित शर्मा, सूर्यकुमार यादव, डेवाल्ड ब्रेविस, जसप्रीत बुमराह, पीयूष चावला, जेराल्ड कोएत्जी, टिम डेविड, श्रेयस गोपाल, ईशान किशन (यष्टिरक्षक), अंशुल कंबोज, कुमार कार्तिकेय, आकाश मधवाल, क्वेना मफाका , मोहम्मद नबी, शम्स मुलानी, नमन धीर, शिवालिक शर्मा, रोमारियो शेफर्ड, अर्जुन तेंडुलकर, नुवान तुषारा, तिलक वर्मा, विष्णु विनोद, नेहल वढेरा, ल्यूक वुड. दिल्ली कॅपिटल्स: रिषभ पंत (कर्णधार व यष्टिरक्षक), डेविड वार्नर, पृथ्वी शॉ, यश ढुल, अभिषेक पोरेल, अक्षर पटेल, ललित यादव, मिशेल मार्श, प्रवीण दुबे, विक्की ओस्टवाल, ऑनरिक नॉर्खिया, कुलदीप यादव, जेक फ्रेजर-मैकगर्क, खलील अहमद, इशांत शर्मा, मुकेश कुमार, ट्रिस्टन स्टब्स, रिकी भुई, कुमार कुशाग्र, रसिख डार, झाय रिचर्डसन, सुमित कुमार, स्वास्तिक चिकारा, शाई होप.
