नवचैतन्य टाईम्स सातारा जिल्हा प्रतिनिधी(डॉ.अरुण राजपुरे)-आपल्यापैकी बहुतांशज जणांचे कामे ही सध्या बैठ्या स्वरूपाचे असतात विविध सरकारी कार्यालयामध्ये बँकेत आयटीमध्ये काम करणारे कर्मचारी यांच्यासारख्या असंख्य जणांचे काम हे बैठ्या स्वरूपाचे असते शेतात किंवा कष्टाचे काम करण्यापेक्षा बैठे काम बरे वाटत असले तरी त्यामुळे आरोग्याच्या विविध तक्रारी उद्भवण्याची शक्यता जास्त असते दिवसाचे आठ ते दहा तास सलग बसून काम केल्याने पाठ मनका यांच्या तक्रारी उद्भवतात यातही विशेषता लठ्ठ व्यक्ती आणि व्यायाम न करणाऱ्यांना मणक्याचा त्रास जाणू शकतो म्हणून व्यायाम करणे आणि बसण्याच्या पद्धतीकडे लक्ष देणे या गोष्टी आवर्जून करायला हव्यात कारण एकदा मणक्याच्या दुखण्याने डोके वर काढले की आपल्या हालचालीवर तर मर्यादा येतातच पण आरोग्याच्या इतरही समस्या उद्भवतात.... मणक्याचे आजार म्हणजे नेमके काय ...? सतत एकाच स्थितीत बसल्याने पाठ दुखी, सांधेदुखी, डिस्क प्रॉब्लेम(सायटिका)अशा समस्या उद्भवतात. यामुळे पायांचे, खांद्याचे, खुब्याचे दुखणे सुरू होण्याचीही शक्यता असते डिस्क (मणक्यामधील चकती) सरकल्यास सायंटिकाच्या नसावर दबाव येतो व साहित्यिकाचे दुखणे वाढते तसेच मणक्यातील डिस्कमधील पाणी कमी होते. त्यामुळे जी डिस्क धक्का सहन करणाऱ्या स्प्रिंगचे काम करते ती करीत नाही त्याला डिस्क डीजनरेट होणे असे म्हणतात. त्यामुळे सांध्यावर ताण येतो आणि पाठ दुखी सुरू होते. मनका आणि पाठीच्या समस्यांची कारणे...? व्यायामाचा अभाव, वाढलेले वजन, पाठीत बाक काढून चालायची आणि बसायची सवय यामुळे मागच्या बाजूच्या सांध्यावर ताण येतो. अनेकदा टू व्हीलर किंवा चार चाकी चालवताना धक्के बसतात बरेच दिवस हे दुखणे अंगावर काढले तर ही समस्या वाढत जाते आणि भविष्याचा त्याचे विपरीत परिणाम दिसायला लागतात. शरीराची पोझिशन ताठ हवी, मान ही ताट असायला हवी, मोबाईलचा अतिवापर केल्याने टेक्स नेक सिड्रोम होऊ शकतो. त्यामुळे मोबाईलचा अतिवापर टाळायला हवा. दिवसातून किमान वेळ काढून काही ना काही व्यायाम नियमितपणे करायला हवा. दुचाकी किंवा चार चाकी चालविताना स्पीड ब्रेकर मुळे मणक्याला धक्के बसतात. त्यामुळे गाडी चालवताना योग्य ती काळजी घ्यायला हवी कोणती काळजी घ्यायला हवी...? १)बसताना चुकीच्या पद्धतीने बसू नये... बरेचदा कामाच्या नादात आपण तिरके, वाकडे बसतो. मात्र त्याने नंतर पाठ अवघडते. २)खाली वाकून काही उचलताना.... वाकून चुकीच्या पद्धतीने जोर लावला तर पाठ दुखते. ३)लॅपटॉप किंवा टेबल आणि खुर्चीची..... पोझिशन योग्य असेल तर ही समस्या उद्भवत नाही त्यामुळे आपले बसायची पद्धत योग्य आहे की नाही ये तपासावे. ४)अनेकदा चालताना पाय दुखतात.... बॅक स्ट्रेन झाला असेल, सांध्याचा इजा झाली तर वळताना मान दुखतो, खांद्याच्या वरचा भाग दुखतो, मुंग्या येतात. त्यामुळे नियमीतपणे व्यायाम करणे आवश्यक आहे.
