नवचैतन्य टाईम्स बारामती (प्रतिनिधी) मा.पंतप्रधान नरेंद्र मोदी तिसऱ्यांदा पंतप्रधान होणारच, असे सांगत उपमुख्यमंत्री अजित पवार यांनी पुन्हा एकदा मोदींचे कौतुक केले. त्याचवेळी ज्येष्ठ नेते शरद पवार यांच्यावर मात्र अजित पवार यांनी अप्रत्यक्ष तोड डागली. कुणी काहीही सांगू द्या, येणार तर मोदीच... काही जण तुम्हाला भावनिक करतील पण तुम्ही 'विकास' एवढंच डोक्यात ठेवा, असे अजित पवार म्हणाले.
अजित पवार बारामतीकरांना उद्देशून म्हणाले की, "मी काश्मीरपासून कन्याकुमारीपर्यंत अनुभवतोय, सगळीकडे मोदी लाट आहे. ते तिसऱ्यांदा पंतप्रधान होणारच आहेत. तेव्हा त्यांच्याच विचाराचा बारामतीतून खासदार निवडून आला पाहिजे. कोणी काहीही सांगितले तरी मोदीच पंतप्रधान होणार ही काळ्या दगडावरची रेघ आहे"
वरिष्ठांचे फोन येतील, मतदारांनो भावनिक होऊ नका, विकासाला साथ द्या
तुम्हाला वरिष्ठ नेते फोन करतील, आताही करताहेत. काही काही जणांचे पंधरा वर्षे फोन आले नाहीत, परंतु आता फोन येत आहेत. कसं चाललंय काय चाललंय असे म्हणतायेत. फोन आल्यानंतर तुम्ही भावनिक होऊ नका. मी विकासाच्या मुद्द्यावर मत मागतोय, मी दुसऱ्या कुठल्याही गोष्टीवर मत मागत नाही. मी तुमचा विकास केलेला आहे, असे अजित पवार म्हणाले.
मोदींच्या विचारांचा खासदार निवडून द्या
आजूबाजूच्या तालुक्याच्या तुलनेमध्ये बारामती पुढे नेलेली आहे. त्यामध्ये अजून भर घालण्याचे काम करायचे आहे. त्यामध्ये राज्य सरकारचा निधी कमी पडतो. म्हणून केंद्र सरकारचा निधी आणायचा आहे, म्हणून त्यांच्या विचारांचा खासदार निवडून द्यायचा आहे, त्यातून आपलाच फायदा होणार आहे, अशी पुष्टीही अजित पवार यांनी जोडली. जेजुरी गड तीर्थक्षेत्र विकास आराखड्याअंतर्गत १० कोटी ६८ लाखांचा बाह्यवळण रस्ता मंजूर
श्रीक्षेत्र जेजुरी गड तीर्थक्षेत्र विकास आराखड्याअंतर्गत जेजुरी येथील बाह्यवळण रस्त्याचा समावेश करण्यासही मुख्यमंत्री महोदयांच्या अध्यक्षतेखालील शिखर समितीची मंजूरी प्राप्त झाली असून त्यासाठी अधिकच्या १० कोटी ६८ लाख ७५ हजार रुपयांचा निधी मंजूर करण्यात आला आहे. त्यासंबंधीचा शासन निर्णयही उपमुख्यमंत्री तथा वित्तमंत्री अजित पवार यांच्या नेतृत्वाखालील नियोजन विभागाने जारी केला आहे.
