तळपायाला भेगा पडतात अशावेळी चमेलीची पाने वाटून लेप भेगांवर लावावा जखमा लवकर भरतात चमेलीपत्र सिद्ध तेलाने हळूहळू मालीश करावी त्यामुळे तळपाय पुन्हा मऊ व प्राकृत होतात........कान दुखणे कानात स्राव निघणे अशा तक्रारीवर पानांनी सिध्द तेल कानात टाकल्यास त्रास कमी होतो........मासिक स्राव व्यवस्थित होत नसेल किंवा अवरोध असेल तर पत्र व पुष्प लेप ओटीपोटावर लावतात.........,अतिकाम किंवा कमी झोप यामुळे चिडचिडेपणा मानसिक अस्वस्थता जाणवते.अशावेळी चमेलीच्या फुलांचा सुगंध घेतल्यास ट्रेस कमी करण्यास मदत होते.अरोमाथेरपी प्रमाणे याचा उपयोग होतो.चमेली पुष्प वाजीकर आहेत.या फुलांचा सुगंध वाजीकरण करणारा आहे.
रक्तविकारांवर चमेली खूप प्रभावी कार्य करते.अनेक औषधी कल्पांमध्ये चमेलीचा वापर करण्यात येतो.जात्यादी तेल जात्यादी घृत इ.चमेली वापरुन केलेली औषधी कल्प आहेत.गंडूष चिकित्सा,लेप,कवलधारण,मालीश तसेच आभ्यंतर सेवनाकरिता वैद्य चमेली कल्पांचा वापर करतात.अशी ही चमेली उत्तम त्वक् रोगहर मुखरोगहर व्रण रोपक व याची फुले उत्तम वाजीकर व सौमनस्यजनन करणारे.
